ടോം ആൻഡ് ജെറി ഫാൻസിനൊരു ഹാപ്പി ന്യൂസ്. കുട്ടികൾ മുതൽ മുതിർന്നവർ വരെയുള്ള ടോം ആൻഡ് ജെറി ഫാൻസിനായി ഇരുവരുടേയും കഥ വെളളിത്തിരയിലെത്തുന്നു. വാർണർ ബ്രദേഴ്‌സ് പിക്‌ചേഴ്സാണ് സിനിമ നിർമിക്കുന്നത്.

29 വർഷങ്ങൾക്ക് ശേഷമാണ്  ടോം ആൻഡ് ജെറി സിനിമയാകുന്നത്. കെവിൻ കോസ്റ്റെല്ലോയുടെ രചനയിൽ ടിം സ്റ്റോറി സംവിധാനം ചെയ്യുന്ന ടോം ആൻഡ് ജെറിയുടെ ട്രെയിലർ പുറത്തുവിട്ടുകൊണ്ടാണ് നിർമാതാക്കൾ സിനിമയുടെ വരവറിയിച്ചത്.ലൈവ് ആക്ഷനും ആനിമേഷനും സമന്വയിപ്പിച്ചാണ് ചിത്രം് തയ്യാറാക്കിയിരിക്കുന്നത്. അടുത്ത വർഷമാണ് ചിത്രം ബിഗ് സ്‌ക്രീനിൽ എത്തുന്നത്.ടോമിനെയും ജെറിയെയും മുഖ്യകഥാപാത്രങ്ങളാക്കി ഇതിന് മുമ്പ് 13 സിനിമകൾ പുറത്തിറങ്ങിയിട്ടുണ്ട്. അവയിൽ 1992ൽ റിലീസിനെത്തിയ 'ടോം ആൻഡ് ജെറി: ദി മൂവി'യാണ് ഏറ്റവും ഒടുവിലത്തെ ചിത്രം.