അൻവർ റഷീദ് സംവിധാനം ചെയ്യുന്ന ചിത്രം ട്രാൻസിന്റെ ഫസ്റ്റ് ലുക്ക് പോസ്റ്റർ അണിയറ പ്രവർത്തകർ പുറത്തു വിട്ടു. ഫഹദ് ഫാസിൽ ആണ് ചിത്രത്തിൽ നായക വേഷത്തിൽ എത്തുന്നത്. ക്രിസ്മസ് റിലീസ് ആയി സിനിമ തിയേറ്ററുകളിൽ എത്തും. 

നേരത്തെ ആംസ്റ്റർഡാമിലെ ഷെഡ്യൂൾ പൂർത്തിയാക്കിയ ശേഷം കേരളത്തിലെ ഷൂട്ടിങ്ങും പൂർത്തീകരിച്ചിരുന്നു. കേരളവും തമിഴ്‌നാടും ആംസ്റ്റർഡാമും മുംബൈയുമായിരുന്നു ചിത്രത്തിന്റെ പ്രധാന ലൊക്കേഷനുകൾ. 

ഏഴു വർഷങ്ങൾക്കു ശേഷം അൻവർ റഷീദ് സംവിധാനം ചെയ്യുന്ന ചിത്രമാണ് ട്രാൻസ്. 2012 ൽ പുറത്തിറങ്ങിയ ഉസ്താദ് ഹോട്ടൽ ആണ് അൻവർ റഷീദ് ഏറ്റവും ഒടുവിൽ സംവിധാനം ചെയ്ത മുഴുനീള ചിത്രം. അമല്‍ നീരദ് ഛായാഗ്രഹണം നിര്‍വ്വഹിക്കുന്ന ട്രാന്‍സില്‍ ഫഹദ് ഫാസിലിന് പുറമെ നസ്രീയ നസീം, ശ്രീനാഥ് ഭാസി, അല്‍ഫോണ്‍സ് പുത്രന്‍, ഗൗതം വാസുദേവ് മേനോന്‍, ഷെയിന്‍ നിഗം, വിനായകന്‍ എന്നിവരും പ്രധാന വേഷങ്ങളിലെത്തും