നടി മല്ലികാ സുകുമാരനിന്ന് അറുപത്തിയാറാം പിറന്നാളാണ്.  അമ്മയുടെ പിറന്നാൾ ദിനം സോഷ്യൽമീഡിയയിൽ ആഘോഷമാക്കിയിരിക്കുകയാണ് മക്കളും മരുമക്കളും ചെറുമക്കളും. അമ്മയ്ക്ക് ഒപ്പമുള്ള ഒരു പഴയചിത്രം പങ്കുവച്ചുകൊണ്ടാണ് പൃഥ്വിരാജും ഇന്ദ്രജിത്തും സുപ്രിയയും ആശംസകൾ നേർന്നിരിക്കുന്നത്.ഈ ചിത്രത്തിന് കീഴെ നിരവധി പേരാണ് ആശംസകളുമായി രംഗത്തെത്തിയത്. മരുമകളായ  പൂർണിമയും മല്ലികയോടൊപ്പമുള്ള നിരവധി ചിത്രങ്ങൾ പങ്കുവച്ചിട്ടുണ്ട്. 1974ൽ ജി.അരവിന്ദൻറെ ഉത്തരായനം എന്ന ചിത്രത്തിലൂടെയാണ് മല്ലിക സുകുമാരൻ അഭിനയം ആരംഭിക്കുന്നത്. സ്വപ്നാടനം എന്ന ചിത്രത്തിലെ അഭിനയത്തിലൂടെ മികച്ച രണ്ടാമത്തെ നടിക്കുള്ള കേരള സംസ്ഥാന ചലച്ചിത്ര പുരസ്‌കാരം മല്ലികയ്ക്ക് ലഭിച്ചു.ദോഹയിൽ സ്പൈസ് ബോട്ട് എന്ന റസ്റ്റോറൻറ് നടത്തുകയാണ് മല്ലികയിപ്പോൾ.