ബോളിവുഡ് നടൻ സുശാന്ത് സിങ് രജ്പുത്തിന്റെ മരണവുമായി ബന്ധപ്പെട്ട പരാമർശത്തിൽ നടി കങ്കണ റണാവത്തിനെതിരെ കവിയും ഗാനരചയിതാവുമായ ജാവേദ് അക്തർ മാനനഷ്ടക്കേസ് നൽകി. അന്ധേരിയിലെ മെട്രോപൊളിറ്റൻ മജിസ്ട്രേറ്റിനാണു ജാവേദ് ഹർജി സമർപ്പിച്ചതെന്നാണ് റിപ്പോർട്ട്.

കങ്കണ നടത്തിയ അടിസ്ഥാനരഹിതമായ പരാമർശങ്ങൾ തന്റെ യശസ്സിനു ഭംഗം വരുത്തിയതായി പരാതിയിൽ ജാവേദ് പറഞ്ഞു. സുശാന്തിന്റെ മരണവുമായി ബന്ധപ്പെട്ട സംസാരത്തിനിടെയാണ് ബോളിവുഡിലെ ഒരു ‘കൂട്ടുകെട്ടിനെപ്പറ്റി’ നടി പരാമർശിച്ചതും അതിൽ തന്റെ പേരു വലിച്ചിഴച്ചതെന്നും ജാവേദ് ചൂണ്ടിക്കാട്ടി.