ബോളിവുഡ് ഗായിക നേഹ കക്കറും ഗായകനായ റോഹൻ പ്രീത് സിങ്ങും വിവാഹിതരായി. കുറച്ച് നാളുകളായി ഇരുവരും തമ്മിൽ പ്രണയത്തിലായിരുന്നു. ഒക്ടോബർ 23 ന് വിവാഹം ഔദ്യോഗികമായി രജിസ്റ്റർ ചെയ്തിരുന്നു. ഇന്നലെ(ശനി)യാണ് വിവാഹം നടന്നത്.ഡൽഹിയിലെ ഒരു ആഡംബര റിസോർട്ടിൽ വച്ചായിരുന്നു വിവാഹ ചടങ്ങുകൾ പരമ്പരാഗത രീതിയിൽ നടന്നത്. കുടുംബാംഗങ്ങളും അടുത്ത ബന്ധുക്കളും സുഹൃത്തുക്കളും ചടങ്ങിൽ സന്നിഹിതരായിരുന്നു. ഡൽഹിയിൽ വെച്ചായിരുന്നു വിവാഹ ചടങ്ങുകൾ. പഞ്ചാബിൽ വെച്ച് വിവാഹ സൽക്കാരം ഇന്ന് നടക്കും. കഴിഞ്ഞ ദിവസം ഹൽദി ചിത്രങ്ങൾ ഇൻസ്റ്റയിൽ നേഹ പങ്കുവെച്ചത് ഏറെ വൈറലായിരുന്നു. വിവാഹ ചടങ്ങിലെ വീഡിയോകളും ചിത്രങ്ങളും ഇന്നലെ രാത്രി പങ്കുവെച്ചിട്ടുമുണ്ട്.ഒക്ടോബർ 9ന് ആയിരുന്നു റോഹനുമായുള്ള സ്നേഹബന്ധത്തെ കുറിച്ച് നേഹ സോഷ്യൽമീഡിയയിൽ വെളിപ്പെടുത്തിയിരുന്നത്. നീ എൻറേതാണ്, മീറ്റ് മൈ സിന്ദഗി എന്ന് കുറിച്ചുകൊണ്ടായിരുന്നു അന്ന് ഇരുവരും ഇൻസ്റ്റയിൽ ചിത്രം പങ്കുവെച്ചിരുന്നത്. നേഹു ദാ വ്യാ എന്ന പാട്ട് അടുെത്തിടെ ഇരുവരും ചേർന്ന് പുറത്തിറക്കിയിരുന്നത് ശ്രദ്ധ നേടിയിരുന്നു. ഗർമി, ഓ സാഖി, ദിൽബർ, കാലാ ചശ്മ എന്നീ ഹിറ്റ് ഗാനങ്ങളിലൂടെ ശ്രദ്ധ നേടിയ ഗായികയാണ് നേഹ. നിരവധി റിയാലിറ്റി ഷോകളിൽ ജഡ്ജായും ശ്രദ്ധ നേടിയിട്ടുണ്ട്.