ഇന്ദ്രജിത്ത് പൂർണിമ ഇന്ദ്രജിത്ത് ദമ്പതികളുടെ മകളായ പ്രാർത്ഥന ഇന്ദ്രജിത്ത് ബോളിവുഡിലേക്ക്. മോഹന്‍ലാല്‍ എന്ന ചിത്രത്തിലെ 'ലാലേട്ടാ ലാ ലാ ലാ' എന്ന പാട്ടുപാടിയാണ് പ്രാര്‍ത്ഥന പിന്നണി​ഗാനരം​ഗത്തിലേക്ക് കടക്കുന്നത്. ഇതിന് ശേഷം മലയാള സിനിമ സം​ഗീത രം​ഗത്ത് സജീവമായ താരപുത്രി ഇപ്പോള്‍ ബോളിവുഡിലേക്ക് ചുവടുവെച്ചിരിക്കുകയാണ്. തെന്നിന്ത്യയിലെ സൂപ്പര്‍ഹിറ്റ് സം​ഗീത സംവിധായകന്‍ ​ഗോവിന്ദ് വസന്തയ്ക്കൊപ്പം 'രേ ബാവ്‌രേ' പാടിയാണ് പ്രാര്‍ത്ഥനയുടെ തുടക്കം.

ബിജോയ് നമ്പ്യാർ സംവിധാനം ചെയ്യുന്ന തായിഷ് എന്ന ചിത്രത്തിലൂടെയാണ് താരപുത്രി ബോളിവുഡിലേക്ക് അരങ്ങേറുന്നത്. ​ഗോവിന്ദ് തന്നെയാണ് സം​ഗീത സംവിധാനവും നിര്‍വഹിച്ചിരിക്കുന്നത്. ഹുസൈന്‍ ഹൈദ്രിയുടെതാണ് വരികള്‍. എന്തായാലും പ്രാര്‍ത്ഥനയുടെ ആദ്യ ഹിന്ദി ​ഗാനം ശ്രദ്ധ നേടിക്കഴിഞ്ഞു. മികച്ച പ്രതികരണമാണ് ലഭിക്കുന്നത്. ദുല്‍ഖര്‍ നായകനായി എത്തിയ സോളോയ്ക്കു ശേഷം ബിജോയ് നമ്ബ്യാര്‍ ചെയ്യുന്ന ചിത്രമാണ് ഇത്.