50-ാമത് കേരള സംസ്ഥാന ചലചിത്ര പുരസ്‌കാരം  മന്ത്രി എ.കെ. ബാലൻ പ്രഖ്യാപിച്ചു. മികച്ച നടൻ സുരാജ് വെഞ്ഞാറമ്മൂട്. വികൃതി, ആൻഡ്രോയ്ഡ് കുഞ്ഞപ്പൻ എന്നീ ചിത്രങ്ങളിലെ അഭിനയത്തിനാണ് സുരാജ് അവാർഡിന് അർഹനായിരിക്കുന്നത്. മികച്ച നടി കനി കുസൃതി (ബിരിയാണി) മികച്ച സ്വഭാവന നടൻ ഫഹദ് ഫാസിൽ (കുമ്പളങ്ങി നൈറ്റ്‌സ്), മികച്ച സ്വഭാവ നടി സ്വാസിക വിജയ്(വാസന്തി).

മികച്ച സംവിധായകൻ: ലിജോ ജോസ് പെല്ലിശേരി (ജെല്ലിക്കെട്ട്). മികച്ച ചിത്രം റഹ്മാൻ സഹോദരങ്ങൾ സംവിധാനം ചെയ്ത വാസന്തി. രണ്ടാമത്തെ ചിത്രം മനോജ് കാനയുടെ കെഞ്ചിര.ഛായാഗ്രാഹകനും സംവിധായകനുമായ മധു അമ്പാട്ട് ആണ് ജൂറി ചെയർമാൻ. സംവിധായകരായ സലിം അഹമ്മദ്, എബ്രിഡ് ഷൈൻ, ഛായാഗ്രാഹകൻ വിപിൻ മോഹൻ, എഡിറ്റർ എൽ ഭൂമിനാഥൻ, സൗണ്ട് എൻജിനീയർ എസ് രാധാകൃഷ്ണൻ, പിന്നണി ഗായിക ലതിക, നടി ജോമോൾ, എഴുത്തുകാരൻ ബെന്യാമിൻ, ചലച്ചിത്ര അക്കാദമി മെമ്പർ സെക്രട്ടറി സി അജോയ് എന്നിവരാണ് ജൂറി അംഗങ്ങൾ.