മമ്മൂട്ടി നായകനാകുന്ന ഏറ്റവും പുതിയ ചിത്രം ഗാന ഗന്ധർവന്റെ ട്രെയ്‌ലർ പുറത്തിറങ്ങി. രമേഷ്  പിഷാരടി ആണ് ചിത്രത്തിന്റെ സംവിധായകൻ. മമ്മൂട്ടിയുടെ ജന്മദിനമായ ഇന്ന്, രാത്രി 12 മണിക്കാണ് ചിത്രത്തിന്റെ ട്രെയ്‌ലർ അണിയറക്കാർ പുറത്തുവിട്ടത്.

ഗാനമേളയിലെ പാട്ടുകാരനായ കലാസദനൻ ഉല്ലാസ് ആയി ആണ് മമ്മൂട്ടി ചിത്രത്തിൽ എത്തുന്നത്. പുതുമുഖം വന്ദിതയാണ് ചിത്രത്തിൽ മമ്മൂട്ടിയുടെ നായിക. 

രമേഷ് പിഷാരടിയും ഹരി പി നായരും ചേർന്നാണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്. മമ്മൂട്ടിക്ക് പുറമെ മുകേഷ്, ഇന്നസെന്റ്, സലിം കുമാർ, സിദ്ദിഖ്, ധർമ്മജൻ, മനോജ് കെ ജയൻ, മണിയൻ പിള്ള രാജു, അതുല്യ, ശാന്തി പ്രിയ തുടങ്ങിയവർ ചിത്രത്തിൽ വിവിധ വേഷങ്ങളിൽ എത്തുന്നു.