ലൈംഗികാതിക്രമക്കേസില്‍ മുംബൈ പൊലീസ് ചലച്ചിത്ര സംവിധായകന്‍ അനുരാഗ് കശ്യപിനോട് ഹാജരാകാന്‍ ആവശ്യപ്പെട്ട് സമന്‍സ് അയച്ചു. വ്യാഴാഴ്ച രാവിലെ 11 ന് വെര്‍സോവ പൊലീസ് സ്റ്റേഷനില്‍ ഹാജരാകാനാണ് കശ്യപിനോട് ആവശ്യപ്പെട്ടിരിക്കുന്നത്.

നടി പായല്‍ ഘോഷാണ് അനുരാഗ് കശ്യപിനെതിരെ പരാതി നല്‍കിയത്. 2015-16 കാലഘട്ടത്തില്‍ ‘ബോംബെ വെല്‍വെറ്റ്’ എന്ന സിനിമയില്‍ ജോലി ചെയ്തു കൊണ്ടിരിക്കെ തന്നെ ലൈംഗികമായി പീഡിപ്പിച്ചു എന്നായിരുന്നു പരാതി. നടിയുടെ പരാതിയില്‍ വെര്‍സോവ പൊലീസ് സ്റ്റേഷനില്‍ കേസ് റജിസ്റ്റര്‍ ചെയ്യുകയും ചെയ്തു. ഇതിന്റെ അടിസ്ഥാനത്തിലാണ് വെര്‍സോവ പൊലീസ് സ്റ്റേഷനില്‍ ഹാജരാകാന്‍ മുംബൈ പോലീസ് നിര്‍ദേശം നല്‍കിയത്.