മമ്മുട്ടിയും നയൻതാരയും പ്രധാനവേഷങ്ങളിലെത്തിയ സൂപ്പർഹിറ്റ് ചിത്രം പുതിയ നിയമം ഹിന്ദിയിലേക്ക് റീമേക്ക് ചെയ്യുന്നു. ബേബി അനന്യ, ഷീലു എബ്രഹാം, എസ് എന്‍ സ്വാമി, രചന നാരായണന്‍കുട്ടി, അജു വര്‍ഗീസ് തുടങ്ങിയവർ ചിത്രത്തിൽ അണിനിരന്നിരുന്നു.

നടനും നിര്‍മാതാവുമായ അരുണ്‍ നാരായനാണ് ഫേസ്ബുക്കിലൂടെ ചിത്രത്തിന്റെ ഹിന്ദി റീമേക്കിനെ കുറിച്ച് അറിയിച്ചിരിക്കുന്നത്. ഈ ചിത്രത്തില്‍ ബോളിവുഡിലെ താര ജോഡികള്‍ പ്രധാന താരങ്ങളായി എത്തുമെന്നാണ് റിപ്പോര്‍ട്ട്. നീരജ് പാണ്ഡേയാണ് ചിത്രം ഹിന്ദിയില്‍ സംവിധാനം ചെയ്യുന്നത്. 

ഏ കെ സാജന്‍ തിരക്കഥയും സംവിധാനവും നിർവഹിച്ച ചിത്രം അബാം മൂവീസിന്റെ ബാനറില്‍ ജിയോ അബ്രഹാമും വി ജി ഫിലിംസ് ഇന്റര്നാഷനലിന്റെ ബാനറില്‍ പി വേണുഗോപാലും ചേര്‍ന്നാണ് നിര്‍മിച്ചത്.