ദുൽഖർ സൽമാൻ നായകനാകുന്ന ഏറ്റവും പുതിയ സിനിമ കുറുപ്പിന്റെ ചിത്രീകരണം തുടങ്ങി. ദുൽഖറിന്റെ ആദ്യ ചിത്രം സെക്കന്റ് ഷോ  സംവിധാനം ചെയ്ത ശ്രീനാഥ് രാജേന്ദ്രനാണ് കുറുപ്പിന്റെയും സംവിധായകൻ. ചിത്രത്തിന്റെ പൂജ ഇന്നലെ പാലക്കാട് വെച്ച് നടന്നു. ദുൽഖറിനൊപ്പം, ഇന്ദ്രജിത്, സണ്ണി വെയ്ൻ , ഷൈൻ ടോം ചാക്കോ, എന്നിവരും ചിത്രത്തിൽ പ്രധാന വേഷങ്ങളിലെത്തുന്നു. വേഫെയർ ഫിലിംസിന്റെ ബാനറിൽ ദുൽഖർ സൽമാൻ തന്നെയാണ് ചിത്രം നിർമ്മിക്കുന്നത്. നിമിഷ് രവിയാണ് ചിത്രത്തിന്റെ ഛായാഗ്രഹണം നിർവഹിക്കുന്നത്. സുഷിന് ശ്യാം സിനിമയുടെ സംഗീത സംവിധാനം നിർവഹിക്കുന്നു. പിടികിട്ടാപ്പുള്ളി സുകുമാരക്കുറുപ്പ് ആയാണ് ചിത്രത്തിൽ ദുൽഖർ അഭിനയിക്കുന്നതെന്നാണ് വിവരം.