ലാൽ ജോസ് ചിത്രം 'ഏഴു സുന്ദര രാത്രികളി'ലൂടെ മലയാള സിനിമയിൽ അരങ്ങേറ്റം കുറിച്ച നടിയാണ് പാർവതി നമ്പ്യാർ. രഞ്ജിത്ത് ചിത്രം ലീലയിൽ താരം അത്യുഗ്രൻ പെർഫോമൻസ് ആണ് കാഴ്ചവെച്ചത്. നിരവധി ആരാധകരെയാണ് ഈ സിനിമയിലൂടെ നടി നേടിയെടുത്തത്. ഇപ്പോൾ തന്റെ വിവാഹ വാർത്ത സോഷ്യൽ മീഡിയ വഴി ആരാധകരെ അറിയിച്ചിരിക്കുകയാണ് പാർവതി. തന്റെ വിവാഹ നിശ്ചയം കഴിഞ്ഞതായി താരം ഫെയ്സ്ബുക് ലൈവിൽ വ്യക്തമാക്കി. വിനീത് മേനോൻ ആണ് വരൻ. തിയേറ്ററുകളിൽ നിറഞ്ഞ സദസ്സിൽ പ്രദശനം തുടരുന്ന പട്ടാഭിരാമൻ ആണ് പാർവതി അഭിനയിച്ച് പുറത്തിറങ്ങിയ ഏറ്റവും ഒടുവിലത്തെ ചിത്രം.  രാജമ്മ അറ്റ് യാഹൂ, സത്യ, പുത്തൻപണം, മധുര രാജ എന്നീ ചിത്രങ്ങളിലും പാർവതി പ്രധാന വേഷങ്ങളിൽ എത്തിയിട്ടുണ്ട്.