നീണ്ട ഇടവേളയ്ക്കു ശേഷം കെജിഎഫ് രണ്ടാം ഭാഗത്തിന്റെ ഷൂട്ടിങ് പുനരാരംഭിച്ചു. ബാംഗ്ലൂരാണ് ഷൂട്ടിങ് ലൊക്കേഷന്‍. പ്രശാന്ത് നീല്‍ സംവിധാനം ചെയ്യുന്ന ചിത്രത്തില്‍ യാഷ് തന്നെയാണ് റോക്കിയുടെ വേഷം കൈകാര്യം ചെയ്യുന്നത്.

ചിത്രത്തില്‍ ബോളിവുഡ് താരം സഞ്ജയ് ദത്ത് അധീര എന്ന വില്ലന്‍ കഥാപാത്രമായി വേഷമിടുന്നുണ്ട്. രവീണ തണ്ടനാണ് ചിത്രത്തില്‍ പ്രധാനമന്ത്രിയുടെ വേഷത്തില്‍ എത്തുന്നതെന്നാണ് സൂചന.

ശ്രീനിഥി ഷെട്ടി, അനന്ദ് നാഗ്, റാവു രമേഷ്, അച്യുത് കുമാര്‍, വസിഷ്ഠ എന്‍ സിംഹ, മാളവിക അവിനാഷ് എന്നിവരും ചിത്രത്തില്‍ അണിനിരക്കുന്നുണ്ട്. ചിത്രം കന്നഡ, തമിഴ്, തെലുഗു, മലയാളം, ഹിന്ദി എന്നീ ഭാഷകളിലും റിലീസ് ചെയ്യും.