സുഗീത് സംവിധാനം ചെയ്യുന്ന ഏറ്റവും പുതിയ ദിലീപ് ചിത്രത്തിന് മൈ സാന്റാ എന്ന് പേരിട്ടു. ചിത്രത്തിന്റെ ടൈറ്റിൽ ലോഞ്ചും പ്രൊഡക്ഷൻ കമ്പനി ലോഞ്ചും കൊച്ചിയിൽ നടന്നു. ദിലീപ് , ജോഷി എന്നിവരുടെ സാനിധ്യത്തിൽ സംവിധായകന്റെയും നിർമ്മാതാക്കളുടെയും അമ്മമാർ ചേർന്ന് ചടങ്ങിന് തിരി കൊളുത്തി. തിരക്കഥാകൃത്ത് നിഷാദ് കോയ ആണ് നിർമ്മാതാക്കളിൽ ഒരാൾ. ഗാന രചന സന്തോഷ് വർമ്മയും സംഗീത സംവിധാനം വിദ്യാസാഗറും നിർവഹിക്കും. നവാഗതനായ ജെമിനി സിറിയക് ആണ് ചിത്രത്തിന്റെ തിരക്കഥ തയ്യാറാക്കുന്നത്. വാൾ പോസ്റ്റർ എന്റർടൈൻമെന്റ് ആണ് മൈ സാന്റാ നിർമ്മിക്കുന്നത്.