രൗദ്രം എന്ന ചിത്രത്തിന് ശേഷം ജയരാജ് സംവിധാനം ചെയ്യുന്ന ഏറ്റവും പുതിയ ചിത്രത്തിൽ കാളിദാസ് ജയറാം നായകൻ. ബാക് പാക്ക് എന്നാണ് ചിത്രത്തിന് പേരിട്ടിരിക്കുന്നത്. ജയരാജ് തന്നെയാണ് ചിത്രത്തിന്റെ രചനയും പൂർത്തിയാക്കിയിരിക്കുന്നത്. വാഗമണിലും വർക്കലയിലുമായാണ് സിനിമ ചിത്രീകരിക്കുന്നത്. സച്ചിൻ ശങ്കർ ചിത്രത്തിന്റെ സംഗീത സംവിധാനം നിർവഹിക്കും. കാളിദാസിന് പുറമെ രഞ്ജി പണിക്കരും സിനമയിൽ ഒരു പ്രധാന വേഷത്തിലെത്തും.പുതുമുഖം കാർത്തികയാണ് ചിത്രത്തിൽ നായിക ആകുന്നത്.