സംവിധായൻ സത്യൻ അന്തിക്കാടിന്റെ മകൻ അനൂപ് സത്യൻ ആദ്യമായി സംവിധാനം ചെയ്യുന്ന ചിത്രം ദുൽഖർ സൽമാൻ നിർമ്മിക്കും.സുരേഷ് ഗോപി, ശോഭന , ദുൽഖർ , കല്യാണി പ്രിയദർശൻ തുടങ്ങി വൻ താര നിരയാണ് ചിത്രത്തിൽ അണി നിരക്കുന്നത്. ഒക്ടോബറിൽ സിനിമയുടെ ചിത്രീകരണം ആരംഭിക്കും. അൽഫോൻസ് ജോസഫ് ചിത്രത്തിന്റെ സംഗീത സംവിധാനം നിർവഹിക്കും. ചെന്നൈയിൽ ജീവിക്കുന്ന രണ്ട് സ്ത്രീകളുടെ ജീവിതമാണ് ചിത്രത്തിന്റെ പ്രമേയം. 
2005 ൽ പുറത്തിറങ്ങിയ മകൾക്ക് എന്ന ചിത്രത്തിലാണ് സുരേഷ് ഗോപിയും ശോഭനയും അവസാനമായി ഒരുമിച്ച് അഭിനയിച്ചത്. അനൂപ് തന്നെയാണ് ചിത്രത്തിന്റെ രചന നിർവഹിക്കുന്നത്.