കൊറോണ വൈറസ് ബാധ സ്ഥിരീകരിക്കാനുള്ള ആൻ്റിജൻ ടെസ്റ്റ് നിരക്ക് ഏകീകരിച്ച് സംസ്ഥാന സ‍ർക്കാ‍ർ. സ്വകാര്യ ലാബുകളിലെ ആൻ്റിജൻ പരിശോധനയ്ക്ക് 625 രൂപയാണ് സംസ്ഥാന സ‍ർക്കാർ നിശ്ചയിച്ചിരിക്കുന്നത്. നിലവിൽ ആൻ്റിജൻ പരിശോധനയ്ക്ക് പല സ്വകാര്യ ആശുപത്രികളും ലാബുകളും വ്യത്യസ്ത നിരക്കാണ് ഏ‍ർപ്പെടുത്തിയത്.ആൻ്റിജൻ പരിശോധനയിൽ പൊസീറ്റീവായാലും റിയൽ ടൈം പിസ‍ിആ‍ർ ടെസ്റ്റ് നടത്തിയാണ് സംസ്ഥാനത്ത് കൊറോണ രോ​ഗബാധ ഔദ്യോ​ഗികമായി സ്ഥിരീകരിക്കുന്നത്. 48 മണിക്കൂറിനകം രണ്ട് തവണ ആ‍‍ർടി- പിസിആ‍ർ ടെസ്റ്റ് പൊസിറ്റീവായാൽ മാത്രമേ കൊറോണ സ്ഥിരീകരിക്കൂ.

നിലവിൽ സമൂഹവ്യാപനമുണ്ടായോ എന്നു തിരിച്ചറിയാനും ആശുപത്രികളിൽ രോ​ഗികളെ പ്രവേശിപ്പിക്കുന്നതിന് മുൻപായും ആൻ്റിജൻ ടെസ്റ്റുകൾ നടത്തുന്നുണ്ട്. ആൻ്റിജൻ പരിശോധന വഴി രണ്ട് മണിക്കൂറിനകം ഫലം അറിയാം.