പത്തനംതിട്ട ജില്ലയുടെ പുതിയ അസിസ്റ്റന്റ് കളക്ടറായി വി.ചെല്‍സാസിനി ചുമതലയേറ്റു. തമിഴ്നാട് നാഗർകോവിൽ സ്വദേശിയയായ ചെല്‍സാസിനി ജില്ലാ കളക്ടര്‍ പി.ബി നൂഹിന്റെ ചേംബറിലെത്തിയാണ് ചുമതല ഏറ്റെടുത്തത്. 27 കാരിയായ ഇവർ 2019 ബാച്ച് കേരള കേഡര്‍ ഐ.എ.എസ് യോഗ്യത നേടിയ ആളാണ്. ഐ എ എസ് പരീക്ഷയ്ക്ക് 386-ാം റാങ്കായിരുന്നു. മസൂറിയില്‍ ഒന്‍പത് മാസത്തെ പരിശീലനത്തിനുശേഷമാണ് ചെല്‍സാസിനി തിരുവനന്തപുരം ഐ.എം.ജി യില്‍ എത്തുന്നത്. അവിടെനിന്നുള്ള തുടർപരിശീലനത്തിന് ശേഷമാണ് ഈ നിയമനം. നാഗര്‍കോവില്‍ സ്വദേശി വരദരാജന്‍-ദമയന്തി ദമ്പതികളുടെ മൂന്നു പെണ്‍മക്കളില്‍ ഇളയമകളാണ് വി.ചെല്‍സാസിനി. ചെന്നൈ വള്ളിഅമ്മൈ എഞ്ചിനീയറിംഗ് കോളേജില്‍ നിന്ന് 2014ല്‍ സിവില്‍ എഞ്ചിനിയറിംഗ് പാസായി.