ഓസ്‌കാര്‍ അവാര്‍ഡ് ജേതാവായ അമേരിക്കന്‍ നടന്‍ ടോം ഹാന്‍ക്‌സിനും ഭാര്യ റിറ്റ വില്‍സണിനും കൊറോണ ബാധ സ്ഥിരീകരിച്ചു. ടോം ഹാന്‍ക്‌സ് തന്റെ ഇന്‍സ്റ്റഗ്രാമിലൂടെയാണ് രോഗവിവരം പുറത്തുവിട്ടത്. ഓസ്‌ട്രേലിയയിലെ ക്യൂന്‍സ്‍ലാ‌ന്‍റില്‍ സിനിമ ഷൂട്ടിങ്ങ് നടന്നുകൊണ്ടിരിക്കെയാണ് കൊറോണ ബാധ സ്ഥിരീകരിച്ചത്. ഇതോടെ സിനിമയുടെ ചിത്രീകരണത്തില്‍ നിന്നും ലൊക്കേഷനില്‍ നിന്നും വിട്ടുനില്‍ക്കാന്‍ ജീവനക്കാര്‍ക്ക് നിര്‍ദേശം നല്‍കിയിട്ടുണ്ടെന്ന് ഗാര്‍ഡിയന്‍ റിപ്പോര്‍ട്ട് ചെയ്തു. അതേസമയം ഇറ്റലിയിൽ നിന്ന് പത്തനംതിട്ടയിലെ റാന്നിയിലെത്തിയവർക്ക് രോഗബാധ സ്ഥിരീകരിച്ചതോടെ അവിടങ്ങളിൽ  ജനതിരക്ക് ഒഴിഞ്ഞ് നില്‍ക്കുകയാണ്.