മതത്തിന്റെ അടിസ്ഥാനത്തില്‍ രാജ്യത്തെ വിഭജിക്കുന്ന ഭരണഘടനാവിരുദ്ധമായ പൗരത്വ ഭേദഗതി നിയമത്തിനെതിരെ മഹാത്മാ ഗാന്ധിജിയുടെ രക്തസാക്ഷിത്വ ദിനമായ ജനുവരി 30ന് യു.ഡി.എഫിന്റെ നേതൃത്വത്തില്‍ മനുഷ്യഭൂപടം നിര്‍മ്മിക്കും.

തിരുവനന്തപുരത്ത് പുത്തരിക്കണ്ടം മൈതാനത്ത് വൈകുന്നേരം 4ന് നിര്‍മ്മിക്കുന്ന മനുഷ്യഭൂപടത്തിന്റെ ഉദ്ഘാടനം  കോണ്‍ഗ്രസ് പ്രവര്‍ത്തക സമിതി അംഗം എ.കെ.ആന്റണി എം.പി നിര്‍വഹിക്കും. വൈകുന്നേരം 3ന് മുമ്പായി യു.ഡി.എഫിന്റെ മുഴുവന്‍ പ്രവര്‍ത്തകരും പുത്തരിക്കണ്ടം മൈതാനിയില്‍ പ്രവേശിക്കണമെന്ന് യു.ഡി.എഫ് ജില്ലാ ചെയര്‍മാന്‍ സോളമന്‍ അലക്സും കണ്‍വീനര്‍ ബീമാപള്ളി റഷീദും അറിയിച്ചു.