തിരുവനന്തപുരം നേമം വെള്ളായണി ജുമാ മസ്ജിദിലെ അസിസ്റ്റൻറ് ഇമാം സജാദിന് നേരെ ആർ.എസ്.എസ് പ്രവർത്തകരുടെ ആക്രമണശ്രമം. ഇമാമിന്റെ വാഹനത്തെ പിന്തുടർന്ന് അക്രമികൾ അസഭ്യം പറഞ്ഞതായും ആക്രമിക്കുമെന്ന് ഭീഷണിപ്പെടുത്തിയെന്നുമാണ് പരാതി. പരാതിയിൽ പൊലീസ് നടപടി സ്വീകരിക്കാത്തതിനെ തുടർന്ന് പൊലീസ് സ്റ്റേഷന് മുന്നിൽ നാട്ടുകാർ ഒരുമിച്ചുകൂടി പ്രതിഷേധിച്ചു. നാട്ടുകാരുടെ പ്രതിഷേധത്താല്‍ സി.ഐയും എസ്.ഐയും എത്തി ഇമാമിൽ നിന്ന് പരാതി സ്വീകരിച്ചതോടെയാണ് ജനം പിരിഞ്ഞുപോയത്.