2012-ൽ സംസ്ഥാനത്ത് നടപ്പിലാക്കിയ സേവനാവകാശ നിയമപ്രകാരം എല്ലാ സർക്കാർ വകുപ്പുകളിലും സേവനാവകാശ ഉദ്യോ​ഗസ്ഥരെ നിയമിക്കണമെന്ന് മനുഷ്യാവകാശ കമ്മീഷൻ. സാധാരണജനങ്ങൾക്ക് മനസ്സിലാകുന്ന തരത്തിൽ നിയമത്തിലെ വ്യവസ്ഥകൾ ഓരോ ഓഫീസിലും എഴുതി പരസ്യപ്പെടുത്തണമെന്നും മനുഷ്യാവകാശകമ്മീഷൻ ജുഡീഷ്യൽ അം​ഗം പി. മോഹൻദാസ് ആവശ്യപ്പെട്ടു. ചീഫ് സെക്രട്ടറിക്കാണ് കമ്മീഷൻ ഉത്തരവ് നൽകിയത്. മനുഷ്യാവകാശപ്രവർത്തകനായ ഡോ.ജി. സാമുവേൽ നൽകിയ ഹർജിയിലാണ് മനുഷ്യാവകാശ കമ്മീഷന്റെ നടപടി.