അയോദ്ധ്യ കേസിന്റെ പശ്ചാത്തലത്തിൽ സംസ്ഥാനത്ത്  അതീവ ജാഗ്രത തുടരുന്നു . സംസഥാനം സ്വീകരിച്ച സുരക്ഷാ നടപടികൾ  മുഖ്യമന്ത്രി പിണറായി വിജയൻ പോലീസ് മേധാവി ലോക്നാഥ് ബെഹ്‌റയും ഇന്നലെ ഗവർണറെ രാജ്ഭവനിൽ എത്തി ധരിപ്പിച്ചു . ജില്ലാ പോലീസ് മേധാവികളുമായി വീഡിയോ കോൺഫെറെൻസിലൂടെ  സംസാരിച്ച ഡി ജി പി  സുരക്ഷാ ശക്തമാക്കാനും ആവശ്യമെങ്കിൽ മുൻകരുതൽ അറസ്റ്റ് നടത്താനും നിർദേശിച്ചിട്ടുണ്ട്

നിലവിൽ കേരളത്തിൽ  , കാസർഗോഡ് ജില്ലയിൽ  മാത്രമാണ് നിരോധനാജ്ഞ  നിർദേശിച്ചിട്ടുള്ളത് . ജില്ലയിലെ മഞ്ചേശ്വരം , കുമ്പള  , കാസർഗോഡ് , ഹൊസ്ദുർഗ് , ചന്ദേര സ്റ്റേഷൻ പരിധികളിലാണ്    ജാഗ്രത നിർദേശം പുറപ്പെടുവിച്ചിരിക്കുന്നത്.നവംബർ 11  ആം തീയതി വരെ യാണ് നിരോധനാജ്ഞ പ്രഖ്യാപിച്ചിട്ടുള്ളത് .കാസർഗോഡ് നടക്കുന്ന ജില്ലാ സ്കൂൾ കലോത്സവത്തിന് നിരോധനാജ്ഞ ബാധകമല്ല .പരിപാടികൾക്ക് ശക്തമായ സുരക്ഷാ ഏർപ്പെടുത്തിയിട്ടുണ്ട് .

 കൊച്ചി നഗരത്തിലും ശക്തമായ സുരക്ഷാ ഒരുക്കിയിട്ടുണ്ടെന്ന് കൊച്ചി ഡി സി പി  ജി പൂങ്കുഴലീ അറിയിച്ചു അതെസമയം സംസ്ഥാനത്തെ ക്രമസമാധാന നിലയും മതേതര ഐക്യവും  കാത്തുസൂക്ഷിക്കണമെന്ന  ആഹ്വാനവുമായി രാഷ്ട്രീയ ആത്മീയ  നേതാക്കൾ രംഗത്തെത്തി . അയോദ്ധ്യ കേസ് വിധി എന്ത് തന്നെ ആയാലും എല്ലാവരും  അതിനെ സമാധാനപൂർവംസ്വാഗതം ചെയ്യണമെന്നു മുഖ്യമന്ത്രി പിണറായി വിജയൻ പറഞ്ഞു