Breaking News
- തൃശ്ശൂർ മുപ്ലിയത്ത് അതിഥി തൊഴിലാളികൾ ഏറ്റുമുട്ടി,ആറുവയസ്സുകാരൻ വെട്ടേറ്റു മരിച്ചു
- രാഹുലിന് വീണ്ടും'മോദി' പരാമര്ശ കുരുക്ക്; മാനനഷ്ടക്കേസിൽ പാറ്റ്ന കോടതിയിൽ ഏപ്രിൽ 12 ന് ഹാജരാകണം, നോട്ടീസ്
- ലക്ഷദ്വീപ് എം പി മുഹമ്മദ് ഫൈസലിൻ്റെ അയോഗ്യത പിൻവലിച്ചു, ലോക്സഭാ സെക്രട്ടറിയേറ്റ് ഉത്തരവിറക്കി
Your Comment Added Successfully!
യെമനില് വധശിക്ഷയ്ക്ക് വിധിക്കപ്പെട്ട മലയാളി നഴ്സ് നിമിഷപ്രിയയുടെ മോചനത്തിന് സര്ക്കാര് ഇടപെടണമെന്ന് അപേക്ഷിക്കുകയാണ് നിമിഷപ്രിയയുടെ അമ്മ. സര്ക്കാര് ഇടപെടലില്ലാതെ സാങ്കേതിക തടസങ്ങള് നീക്കാനാകില്ല. ദയാധനം നല്കി മോചനം സാധ്യമാകുമെന്നാണ് പ്രതീക്ഷ. ദയാധനത്തിനുളള ശ്രമങ്ങള് തുടരുന്നെന്നും അമ്മ കൊച്ചിയില് പറയുകയുണ്ടായി.ആരും സഹായിക്കാൻ ഇല്ലാത്ത അവസ്ഥയിൽ അവൾ ഏറെ വേദനയും പീഡനവും സഹിച്ചുവെന്നും അതിനിടയിലാണ് അവൾ ചെയ്യാത്ത കുറ്റം ഏറ്റതെന്നും അവർ പറഞ്ഞു. സർക്കാർ ഇടപെടാതെ ഒന്നും സാധിക്കില്ലെന്നും ഒരു അഭിഭാഷകനെ വെച്ചു കേസ് നടത്താൻ കഴിവില്ലാതെ പോയെന്നും അവർ സങ്കടപ്പെടുകയുണ്ടായി. വിധി വന്ന ശേഷം കഴിഞ്ഞ ദിവസം നിമിഷ പ്രിയ വിളിച്ച് ധൈര്യമായിട്ട് ഇരിക്കാൻ പറഞ്ഞുവെന്നും അവർ വ്യക്തമാക്കുന്നുണ്ട്. ഇനി മകളെ ജീവനോടെ കാണാൻ കഴിയുമോ എന്നറിയില്ലെന്നും കോവിഡ് മാറുമ്പോൾ അമ്മ വരുന്നതും കാത്തിരിക്കുന്ന കൊച്ചുമകളെ ആശ്വസിപ്പിക്കാൻ കഴിയുന്നില്ലെന്നും അവർ പറഞ്ഞു. നിമിഷപ്രിയക്ക് യെമൻ കോടതിയാണ് വധശിക്ഷ വിധിച്ചത്. വധശിക്ഷയിൽ ഇളവ് തേടി നിമിഷപ്രിയ നൽകിയ ഹർജി മൂന്നംഗ ബെഞ്ച് തള്ളുകയായിരുന്നു. പാലക്കാട് കൊല്ലങ്കോട് സ്വദേശിനിയാണ് നിമിഷ. ആത്മരക്ഷാർഥമാണ് കൊലപാതകം നടത്തിയതെന്നാണ് നിമിഷപ്രിയ വാദിച്ചത്. സ്ത്രീ എന്ന പരിഗണന നിമിഷയ്ക്ക് കിട്ടുമെന്നു പ്രതീക്ഷിക്കപ്പെട്ടെങ്കിലും അന്തിമ വിധി എതിരായി. അതിനിടെ നിമിഷപ്രിയയുടെ വധശിക്ഷ ഒഴിവാക്കാൻ കേന്ദ്ര സർക്കാർ ഇടപെടണമെന്ന് ആവശ്യപ്പെട്ട് ഇന്റര്നാഷണല് ആക്ഷന് കൗണ്സിൽ ഡൽഹി ഹൈക്കോടതിയിൽ ഹർജി ഫയല് ചെയ്തു.നിമിഷപ്രിയയുടെ വധശിക്ഷ ഒഴിവാക്കാൻ മരിച്ച യെമൻ പൗരൻ തലാൽ അബ്ദുമഹ്ദിയുടെ ബന്ധുക്കൾക്ക് നൽകേണ്ട ബ്ലഡ് മണി കൈമാറാനുള്ള സംവിധാനം ഒരുക്കാൻ കേന്ദ്ര സർക്കാരിനോട് നിർദേശിക്കണമെന്ന് ഹർജിയിൽ വ്യക്തമാക്കുന്നുണ്ട്. നിമിഷപ്രിയയുടെ വധശിക്ഷ ഒഴിവാക്കാനുള്ള ശ്രമങ്ങള് ആരംഭിച്ചതയി സേവ് നിമിഷപ്രിയ ഗ്ലോബല് ആക്ഷന് കമ്മിറ്റി കഴിഞ്ഞ ദിവസം വ്യക്തമാക്കിയിരുന്നു. ഒരു മാസത്തിനുള്ളില് രണ്ട് കോടി രൂപ കണ്ടെത്തണം. നിമിഷ പ്രിയയുടെ വധശിക്ഷയ്ക്കെതിരെ ഉടന് തന്നെ സുപ്രിം കോടതിയില് അപ്പീല് പോകുമെന്നും നിമിഷ പ്രിയ ഗ്ലോബല് ആക്ഷന് കമ്മിറ്റി വ്യക്തമാക്കി. 2017 ജൂലൈ 25ന് യമന് പൗരനായ തലാല് അബ്ദു മഹ്ദി എന്നയാളെ നിമിഷപ്രിയയും സഹപ്രവര്ത്തകയും ചേര്ന്ന് കൊലപ്പെടുത്തിയെന്നാണ് കേസ്. 2017 ജൂലൈ 25 നാണ് പാലക്കാട് കൊല്ലങ്കോട് സ്വദേശി നിമിഷ പ്രിയ യെമന്കാരനായ തലാല് അബ്ദുമഹ്ദിയെ കൊലപ്പെടുത്തി വീട്ടിലെ വാട്ടര് ടാങ്കില് ഒളിപ്പിച്ചത്. തലാലിനൊപ്പം ക്ലിനിക് നടത്തുകയായിരുന്നു നിമിഷപ്രിയ. സ്വന്തമായി ക്ലിനിക് തുടങ്ങാൻ സഹായ വാഗ്ദാനവുമായി വന്ന യെമന് പൌരന് തലാൽ അബ്ദുമഹദി പാസ്പോർട്ട് പിടിച്ചെടുത്ത് നടത്തിയ ക്രൂര പീഡനമാണ് കൊലപാതകത്തിലേക്ക് നയിച്ചത് എന്നാണ് നിമിഷയുടെ വാദം. പാസ്പോര്ട്ട് പിടിച്ചുവെച്ച് നാട്ടില് വിടാതെ പീഡിപ്പിക്കുകയും ഭീഷണിപ്പെടുത്തുകയും ചെയ്തിരുന്നതായി ഇവര് ആരോപിച്ചിരുന്നു. തലാലിന് അമിത ഡോസ് മരുന്നു കുത്തിവച്ചാണ് നിമിഷ കൊലപ്പെടുത്തിയത്. തുടര്ന്ന് മൃതദേഹം വീടിനുമുകളിലെ ജലസംഭരണിയില് ഒളിപ്പിക്കുകയായിരുന്നു. പീഡനം സഹിക്കവയ്യാതെയാണ് കൊലപാതകം നടത്തിയതെന്നാണ് നിമിഷ പറയുന്നത്. നിമിഷ പ്രിയ തലാലിന്റെ ഭാര്യയാണെന്നതിന് യെമനില് രേഖകളുണ്ട്. എന്നാല് ക്ലിനിക്കിനുള്ള ലൈസന്സ് എടുക്കുന്നതിനുണ്ടാക്കിയ താല്ക്കാലിക രേഖ മാത്രമാണിതെന്നാണ് നിമിഷയുടെ വാദം. തലാല് തന്നെ വഞ്ചിച്ച് ലക്ഷക്കണക്കിന് രൂപ തട്ടിയെടുത്തെന്നും നിമിഷ ആരോപിച്ചിരുന്നു. നിമിഷപ്രിയക്കാപ്പം യമന് സ്വദേശിയായ സഹപ്രവര്ത്തക ഹനാനും കേസില് അറസ്റ്റിലായിരുന്നു. കീഴ്ക്കോടതി നിമിഷയെ വധശിക്ഷക്ക് വിധിച്ചതിനെ തുടര്ന്ന് മേല്ക്കോടതിയില് അപ്പീല് പോകുകയായിരുന്നു. കോടതിക്ക് മുന്നില് കൊല്ലപ്പെട്ട തലാല് അബ്ദുമഹ്ദിയുടെ ബന്ധുക്കളും പ്രദേശവാസികളും പ്രതിഷേധവുമായെത്തിയിരുന്നു. നൂറുകണക്കിനാളുകളാണ് നിമിഷപ്രിയയുടെ വധശിക്ഷ വിധി ശരിവെക്കണമെന്നാവശ്യപ്പെട്ട് കോടതിക്ക് മുന്നിലെത്തിയത്. ഇതിനിടെ വധശിക്ഷ ഒഴിവാക്കണമെന്ന നിമിഷപ്രിയയുടെ അപ്പീല് ഹര്ജിയില് വിധി പറയുന്നത് ഒരാഴ്ചത്തേക്ക് കോടതി നീട്ടിവെച്ചിരിക്കുകയാണ്.