ആംസ്റ്റർ മിംസ് ആശുപത്രിയിൽ കരൾ മാറ്റിവെക്കൽ ശസ്ത്രക്രിയയ്ക്കിടെ രോഗി മരിച്ചു. പി.സിദ്ദാർത്ഥകുമാർ ആണ് മരിച്ചത്. ചികിത്സ പിഴവിനാൽ ആണ് മരണം എന്ന് ചൂണ്ടിക്കാട്ടി ശൈലജ വി നൽകിയ പരാതിയിൽ ആശുപത്രിക്കെ തിരെ അന്വേഷണം പ്രഖ്യാപിച്ച് ആരോഗ്യമന്ത്രി വീണ ജോർജ്. ശൂർ ജൂബിലി മിഷൻ ആശുപത്രി, കോഴിക്കോട് ആസ്റ്റർ മിംസ് ആശുപത്രി എന്നിവയ്ക്കെതിരെ അന്വേഷണം പ്രഖ്യാപിച്ചിട്ടുണ്ട്. ചികിൽസ പിഴവിനാൽ ഭർത്താവ് കെ.എ  ജോസഫ് മരണപ്പെട്ടു എന്ന കൊച്ചുത്രേസ്യയുടെ പരാതിയിലാണ് ജൂബിലി മിഷൻ ആശുപത്രിക്കെതിരെ അന്വേഷണം പ്രഖ്യാപിച്ചത്. ആരോഗ്യവകുപ്പ് അഡീഷണൽ ഡയറക്ടർക്കാണ് അന്വേഷണ ചുമതല. ഒരു മാസത്തിനുള്ളിൽ റിപ്പോർട്ട് സമർപ്പിക്കണമെന്നാണ് മന്ത്രി വീണ ജോർജ് ആവശ്യപ്പെട്ടിരിക്കുന്നത്