രാജ്യത്ത് ജനുവരി 10 മുതല്‍ കോവിഡ് വാക്സീൻ ബൂസ്റ്റര്‍ ഡോസ് വിതരണം ചെയ്യുന്നത് 13 കോടിയോളം പേര്‍ക്ക്. ആദ്യം സ്വീകരിച്ചതില്‍നിന്നു വ്യത്യസ്തമായ വാക്സീന്‍ ബൂസ്റ്റര്‍ ഡോസായി നല്‍കുമെന്നും  സൂചനയുണ്ട്. ഇതിനായി കേന്ദ്ര ആരോഗ്യമന്ത്രാലയം ഉടന്‍ മാര്‍ഗനിര്‍ദേശം പുറത്തിറക്കും. ഒമിക്രോണ്‍ വ്യാപന സാഹചര്യം നിരീക്ഷിച്ചു വരികയാണെന്നും ജാഗ്രതയോടെ പുതുവര്‍ഷത്തിലേയ്ക്കു കടക്കണമെന്നും പ്രധാനമന്ത്രി നരേന്ദ്ര മോദി പറഞ്ഞു. വൈറസിന്‍റെ വകഭേദത്തെ തടുക്കാൻ ജനങ്ങളുടെ പ്രയത്നം അനിവാര്യമാണെന്നും പ്രധാനമന്ത്രി മന്‍ കീ ബാത്തില്‍ വ്യക്തമാക്കി.