ചാറ്റൽമഴ പെയ്താൽ പോലും വെള്ളക്കെട്ടിലാകുന്ന കൊച്ചി ന​ഗരത്തിന്റെ നാശത്തിന് അധ്യക്ഷത വഹിക്കുന്ന  കൊച്ചി കോർപ്പറേഷന്ഹൈ ക്കോടതിയുടെ രൂക്ഷവിമർശനം.ചെളികോരാൻ പോലും കോടികൾ പൊട്ടിക്കുന്ന  കൊച്ചി കോർപ്പറേഷനെ പിരിച്ചുവിടാൻ  ആർജ്ജവം കാണിക്കാത്തതെന്തെന്ന് ഹൈക്കോടതി സർക്കാരിനോട് ചോദിച്ചു. കൊച്ചിയെ സിം​ഗപ്പൂരാക്കണമെന്നില്ല, ജനങ്ങൾക്ക് സ്വസ്ഥമായി ജീവിക്കാനുള്ള അവസരമൊരുക്കിയാൽ മതിയെന്നും കോടതി നിർദ്ദേശിച്ചു. ഇക്കാര്യത്തിൽ  അടിയന്തിരമായി എന്തുചെയ്യാൻ സാധിക്കുമെന്ന് സർക്കാർ അഡ്വക്കേറ്റ് ജനറൽ നാളെ തന്നെ വിശദീകരണം നൽകണമെന്നും കോടതി ആവശ്യപ്പെട്ടു. ദുരിക്കയത്തിലായ ജനങ്ങൾക്കായി സർക്കാർ അധികാരം ഉപയോ​ഗിക്കാത്തതെന്താണെന്നും കോടതി രൂക്ഷഭാഷയിൽ ചോദിച്ചു. കനത്തമഴയിൽ വെള്ളക്കെട്ടിലായ എറണാകുളത്താണ് ഇന്നലെ നടന്ന ഉപതിരഞ്ഞെടുപ്പിൽ ഏറ്റവും കുറഞ്ഞ പോളിങ്ങ് ശതമാനം രേഖപ്പെടുത്തിയതെന്നതും ശ്രദ്ധേയമാണ്.