ഉച്ച തിരിഞ്ഞ് മഴയ്ക്ക് ശമനം കണ്ടതോടെ ഉപതിരഞ്ഞെടുപ്പുകളിൽ പോളിങ്ങ് നില ഉയർന്നു. അരൂരിലും കോന്നിയിലും കനത്ത പോളിങ്ങാണ് ഉച്ചതിരിഞ്ഞ് രേഖപ്പെടുത്തിയത്. അഞ്ചുമണിയോടടുക്കുമ്പോൾ അരൂരിൽ 68.66 ശതമാനവും കോന്നിയിൽ 63.25 ശതമാനവും പോളിങ്ങ് നടന്നു. മഞ്ചേശ്വരത്തും പോളിങ്ങ് 62.64 ശതമാനത്തിലെത്തി. വട്ടിയൂർക്കാവിൽ 56.34 ശതമാനവും കഴിഞ്ഞു. മഴയിലും വെളളക്കെട്ടിലും പോളിങ്ങ് മന്ദ​ഗതിയിലായ എറണാകുളത്ത് പോളിങ്ങ് ശതമാനം 46.93 ആയി.