സംസ്ഥാന സ്കൂൾ‌ മീറ്റിനിടെ ഹാമർ തലയിൽ വീണ് പരിക്കേറ്റ അഫീൽ ജോൺസൺ മരിച്ചു. പാലാ സെന്റ് തോമസ് സ്കൂളിലെ പ്ളസ്ടു വിദ്യാർത്ഥിയാണ്  ഈരാറ്റുപേട്ട മുന്നിലവ് വീട്ടിൽ അഫീൽ ജോൺസൺ.
കഴിഞ്ഞ  ഒക്ടോബർ 4 നാണ്  സ്കൂൾ മീറ്റിൽ വോളിയന്റിയറായിരുന്ന  അഫീൽജോൺസന്റെ തലയിൽ  ഹാമർ‌ വീണ് ​ഗുരുതരമായി പരിക്കേറ്റത്.അബോധാവസ്ഥയിൽ കോട്ടയത്തെ മെഡിക്കൽ കോളേജ് ആശുപത്രിയിൽ‌ പ്രവേശിപ്പിച്ച അഫീലിന് രണ്ട്  അടിയന്തിരശസ്ത്രക്രീയകൾ നടത്തിയിരുന്നു. തലയോട്ടി പൊട്ടിച്ചിതറി തലച്ചോർ ഉള്ളിലേയ്ക്ക് അമർന്ന നിലയിലാണ് അഫീലിനെ ആശുപത്രിയിൽ പ്രവേശിപ്പിച്ചത്.  ന്യൂറോസർജറിക്ക് ശേഷം വെന്റിലേറ്ററിലായിരുന്ന അഫീൽ ന്യൂമോണിയ ബാധിതനായാണ് മരണമടഞ്ഞതെന്ന് മെഡിക്കൽ ബോർഡ് ഐ.ടു. ഐ ന്യൂസിനോട് പറഞ്ഞു.അതേസമയം അധികൃതരുടെ  അനാസ്ഥയ്ക്കെതിരെ ജനരോഷം ഉയർന്നിട്ടുണ്ട്.