സംസ്ഥാനത്തെ ഏറ്റവും പ്രായം കുറഞ്ഞ പഞ്ചായത്ത് പ്രസിഡന്റ്  രേഷ്‌മ മറിയം റോയ് വിവാഹിതയാകുന്നു. സ്വന്തം പഞ്ചായത്ത് ഉൾപ്പെടുന്ന ബ്ലോക്ക് ഡിവിഷൻ അംഗം വർഗീസ് ബേബിയാണ് വരൻ.പ്രണയവിവാഹമല്ലെന്നും ഇരുവരും സംസാരിച്ചശേഷം വീട്ടുകാരോട് വിവരം പറയുകയായിരുന്നെന്നും രേഷ്മ പറഞ്ഞു.  ഞാറാഴ്‌ചയായിരുന്നു വിവാഹ നിശ്ചയം. ഡിസംബർ 26-ന് വൈകീട്ട് നാലിന് പ്രമാടം രാജീവ് ഗാന്ധി ഇൻഡോർ സ്റ്റേഡിയത്തിലാണ് വിവാഹചടങ്ങുകൾ. സിപിഐ എം അരുവാപ്പുലം ലോക്കൽ കമ്മിറ്റിയംഗമാണ് രേഷ്‌മ. വർഗീസ് കോന്നി ഏരിയാ കമ്മിറ്റിയംഗവും. കഴിഞ്ഞ പഞ്ചായത്ത് തിരഞ്ഞെടുപ്പിലാണ് രണ്ടുപേരും കന്നിയങ്കം ജയിച്ചത്.