ഒമിക്രോൺ വകഭേദത്തിൻറെ പശ്ചാത്തലത്തിൽ കൊവിഡ് സാഹചര്യം വിലയിരുത്താൻ അവലോകനയോഗം ചേർന്ന് പ്രധാനമന്ത്രി. ഇന്ത്യയിൽ ഉടലെടുത്തേക്കാവുന്ന സാഹചര്യം യോഗത്തിൽ ചർച്ചയായി. പുതിയ വകഭേദങ്ങൾ സ്ഥിരീകരിക്കപ്പെടുന്ന സാഹചര്യത്തിൽ കർശന ജാഗ്രത പാലിക്കണമെന്ന് യോഗം വിലയിരുത്തി.കൊവിഡ് വകഭേദങ്ങൾ റിപ്പോർട്ട് ചെയ്യുന്ന രാജ്യങ്ങളിൽ നിന്ന് വരുന്നവർ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പുവരുത്തണമെന്ന് ഉദ്യോഗസ്ഥർക്ക് നരേന്ദ്രമോദി നിർദേശം നൽകി. സംസ്ഥാന-ജില്ലാ തലങ്ങളിൽ ശരിയായ രീതിയിൽ അവബോധമുണ്ടെന്ന് ഉദ്യോഗസ്ഥർ വിലയിരുത്തണം. ജനം ഉത്തരവാദിത്തത്തോടെ മുൻകരുതൽ നടപടികൾ സ്വീകരിക്കണമെന്നും പ്രധാനമന്ത്രി അഭ്യർഥിച്ചു.