റബ്ബർ ഷീറ്റ് മോഷ്ടിക്കാനാണെന്ന് പറഞ്ഞ്  ബി ജെ പി വക്താവ് സന്ദീപ് ജി വാര്യരുടെ വീട്ടിൽ അതിക്രമിച്ചു കയറിയയാളെ പിടികൂടി.പളളിക്കുന്ന് സ്വദേശി യൂസഫാണ് ചെത്തല്ലൂരിലെ സന്ദീപ് വാര്യരുടെ വീട്ടിൽ  കയറിയത്. പ്രതിയുടെ സിസിടിവി ദൃശ്യങ്ങൾ സന്ദീപ് വാര്യർ തന്നെ പുറത്തുവിട്ടിരുന്നു. രാത്രി സമയത്ത് പൊലീസ് പട്രോളിങ് വാഹനം കടന്നുപോയതിനാൽ ഇയാൾക്ക് മോഷണം നടത്താനായില്ല എന്നാണ് വിവരം. 

സംഭവത്തെ കുറിച്ച് നവംബർ 21ന് സന്ദീപ് വാര്യർ പോസ്റ്റ് ചെയ്ത ഫേസ്ബുക്ക് പോസ്റ്റിന്റെ പൂർണ രൂപം; 

"ഇന്ന് പുലർച്ചെ പ്രായമായ അച്ഛനും അമ്മയും താമസിക്കുന്ന ചെത്തല്ലൂരിലെ വീട്ടിൽ അതിക്രമിച്ച് കയറിയ അപരിചതൻ്റെ ദൃശ്യങ്ങൾ സിസിടിവിയിൽ ലഭിച്ചു. വധഭീഷണി ഉയർന്ന സാഹചര്യത്തിൽ ഇതു സംബന്ധിച്ച് അന്വേഷിക്കണമെന്ന് ആവശ്യപ്പെട്ട് അച്ഛൻ പോലീസിൽ പരാതി നൽകിയിട്ടുണ്ട്."