പ്രായപൂർത്തിയാകാത്ത കുട്ടികളെ കൊണ്ട് ഓറൽ സെക്‌സ് ചെയ്യിക്കുന്നത് പോക്‌സോ നിയമ പ്രകാരം കടുത്ത പീഡനമല്ലെന്ന് അലഹബാദ് ഹൈക്കോടതിയുടെ വിചിത്ര ഉത്തരവ്.10 വയസുകാരനെ പീഡിപ്പിച്ച കേസിൽ പ്രതിയുടെ അപ്പീൽ പരിഗണിച്ച കോടതി 10 വർഷം തടവ് 7 കൊല്ലമായി കുറച്ചു.2018ൽ ഝാൻസി ജില്ല കോടതിയാണ് പ്രതിയ്ക്ക് 10 വർഷം തടവ് വിധിച്ചത്. പോക്സോ, ഐപിസി 377, 507 തുടങ്ങിയ വകുപ്പുകൾ പ്രകാരമായിരുന്നു ശിക്ഷ. ഇതിനെതിരെ പ്രതി ഹൈക്കോടതിയെ സമീപിക്കുകയായിരുന്നു.2016ലാണ് കേസിനാസ്‌പദമായ സംഭവം. പോക്‌സോ സെക്ഷൻ നാല് നിയമപ്രകാരം പ്രതിയുടേത് പെനട്രേറ്റീവ് (പ്രവേശിത) ലൈംഗിക പീഡനമാണെന്നും ഝാൻസി കോടതി വ്യക്തമാക്കിയിരുന്നു.  ഉത്തർപ്രദേശിലാണ് 10 വയസുകാരനെ പ്രതി ഇത്തരത്തിൽ പീഡിപ്പിച്ചത്. സംഭവം പുറത്തുപറയാതിരിക്കാൻ 20 രൂപയാണ് പ്രതി കുട്ടിക്ക് നൽകിയത്. പുറത്തുപറഞ്ഞാൽ കുട്ടിയെ ഉപദ്രവിക്കുമെന്ന് ഭീഷണിപ്പെടുത്തുകയും ചെയ്‌തിരുന്നു.