എട്ടുവയസുകാരിയെ മോഷ്ടാവായി ചിത്രീകരിച്ച പിങ്ക് പോലീസ് ഉദ്യോ​ഗസ്ഥയ്ക്കെതിരെ ഹൈക്കോടതി. തനിക്ക് ഉണ്ടായ മാനസീകാഘാതത്തിന് നഷ്ടപരിഹാരമായി 50 ലക്ഷം രൂപ നൽകണമെന്നാവശ്യപ്പെട്ടുള്ള പെൺകുട്ടിയുടെ ഹർജി ഹൈക്കോടതി ഇന്ന് പരി​ഗണിച്ചു. തന്നെ പീഡിപ്പിച്ച ഉദ്യോഗസ്ഥയ്ക്കെതിരെ കർശന നടപടിക്ക് നിർദേശം നൽകണമെന്നും പെൺകുട്ടി നൽകിയ ഹർജിയിൽ പറയുന്നു.  പെൺകുട്ടിയെ അപമാനിച്ച ഉദ്യോഗസ്ഥ ഇപ്പോഴും പിങ്ക് പൊലീസിൽ ഉണ്ടോയെന്നും പിങ്ക് പൊലീസ് ഉദ്യോഗസ്ഥയ്‌ക്കെതിരെ എന്ത് നടപടിയെടുത്തുവെന്നും ഹൈക്കോടതി വാക്കാൽ ചോദിച്ചു.വെറുതെ വിടാൻ പറ്റുന്ന കേസല്ല ഇതെന്നും ജസ്റ്റിസ് ദേവൻ രാമചന്ദ്രൻ അധ്യക്ഷനായ ബെഞ്ച് ചൂണ്ടിക്കാട്ടി.