സ്ത്രീകളുടെയും പെൺകുട്ടികളുടെയും സുരക്ഷ യാത്രാവേളയിൽ  ഉറപ്പാക്കുന്നതിനുള്ള ‘നിർഭയ’ പദ്ധതി ഉടൻ നടപ്പിലാക്കുമെന്ന് ഗതാഗത മന്ത്രി ആന്റണി രാജു പറഞ്ഞു. മന്ത്രിയുടെ അധ്യക്ഷതയിൽ ചേർന്ന ഉന്നതതല യോഗത്തിലാണ് പദ്ധതി ഉടൻ നടപ്പിലാക്കാൻ തീരുമാനിച്ചിരിക്കുന്നത്.രാത്രികാലങ്ങളിൽ ഉൾപ്പെടെയുള്ള യാത്രകളിൽ സ്ത്രീകൾക്ക് നേരെയുള്ള അതിക്രമങ്ങൾ തടയാൻ ലക്ഷ്യംവെച്ചുള്ള പദ്ധതിയാണിത്. എല്ലാ പൊതു ഗതാഗത വാഹനങ്ങളിലും ലൊക്കേഷൻ ട്രാക്കിംഗ് സിസ്റ്റവും എമർജെൻസി ബട്ടനും സ്ഥാപിച്ച് 24 മണിക്കൂറും നിരീക്ഷണത്തിലാക്കും.