അന്തരീക്ഷ മലിനീകരണവുമായി ബന്ധപ്പെട്ട കേസ് ഇന്ന് സുപ്രിം കോടതി പരിഗണിക്കും. ചീഫ് ജസ്റ്റിസ് എൻ വി രമണ അധ്യക്ഷനായ ബഞ്ചാണ് ഇന്ന് ഹർജി പരിഗണിക്കുന്നത്.ഡൽഹിയിലെ അന്തരീക്ഷ മലിനീകരണം നിയന്ത്രിക്കാൻ കടുത്ത നടപടികളുമായി എയർ ക്വാളിറ്റി മാനേജ്‌മെന്റ് കമ്മിഷനും രം​ഗത്തെത്തി. നിയന്ത്രണങ്ങളുടെ ഭാ​ഗമായി ഡൽഹിയിലെയും സമീപ നഗരങ്ങളിലെയും എല്ലാ വിദ്യാഭ്യാസ സ്ഥാപനങ്ങളും അനശ്ചിത കാലത്തേക്ക് അടച്ചു. 
ഡൽഹി, ഹരിയാന, രാജസ്ഥാൻ,ഉത്തർപ്രദേശ് എന്നീ സംസ്ഥാനങ്ങളിലെ സ്വകാര്യ സർക്കാർ സ്ഥാപനങ്ങളിൽ നവംബർ 21 വരെ 50 % ജീവനക്കാർക്ക് വർക്ക് ഫ്രം ഹോം നടപ്പാക്കാനും തീരുമാനമായി. അടിയന്തിര സ്വഭാവമില്ലാത്ത നിർമ്മാണ പ്രവർത്തനങ്ങൾ നവംബർ 21 വരെ നിർത്തിവെച്ചു. 10 വർഷത്തിൽ കൂടുതൽ പഴക്കമുള്ള പെട്രോൾ വാഹനങ്ങളും 15 വർഷത്തിലേറെ പഴക്കമുള്ള ഡീസൽ വാഹനങ്ങളും നിരത്തിലിറങ്ങാൽ അനുവദിക്കില്ല.