മുതിർന്ന അഭിഭാഷകൻ സൗരഭ് കൃപാലിനെ ഡൽഹി ഹൈക്കോടതി ജഡ്‌ജിയായി നിയമിക്കാൻ സുപ്രീം കോടതി കൊളീജിയം  ശുപാർശ ചെയ്തു .ശുപാർശ അംഗീകരിച്ചാൽ രാജ്യത്തെ സ്വവർഗാനുരാഗിയായ ആദ്യ ജഡ്‌ജിയായിരിക്കും സൗരഭ് .സൗരഭിനെ ശുപാർശ ചെയ്യുന്നതിൽ കേന്ദ്രം എതിർപ്പുയർത്തിയിരുന്നു.2018 ലാണ് സൗരഭിന്റെ കൃപാലിന്റെ പേര് കൊളീജിയം ആദ്യം പരിഗണിച്ചത് .എതിർപ്പുകൾ ഉയർന്നതോടെ പിന്നീട് പരിഗണിക്കാമെന്ന് തീരുമാനിക്കുകയായിരുന്നു .ഈ വർഷം ഫെബ്രുവരിയിൽ ചീഫ് ജസ്റ്റിസ് എസ് .എ ബോബ്ഡേ ഇക്കാര്യത്തിൽ വിശദീകരണം തേടി .നിയമമന്ത്രി രവിശങ്കർ പ്രസാദിന് കത്തയച്ചിരുന്നു .

2017 ൽ ചീഫ് ജസ്റ്റിസ് ഗീത മിത്തൽ അധ്യക്ഷയായ ഹൈക്കോടതി കൊളീജിയം സൗരഭിന്റെ പേര് ശുപാർശ ചെയ്തിരുന്നു .അന്ന് ഹൈക്കോടതി കൊളീജിയത്തിലുണ്ടായിരുന്ന സഞ്ജീവ് ഖന്ന ,രവീന്ദ്ര ഭട്ട് എന്നിവർ ഇപ്പോൾ സുപ്രീം കോടതിയിൽ ജഡ്‌ജിമാരാണ് .