കേരളം ഉൾപ്പെടെ വിവിധ സംസ്ഥാനങ്ങളിൽ നവംബർ 18 വരെ കനത്ത മഴയ്ക്ക് സാധ്യത. കേന്ദ്ര കാലാവസ്ഥ നിരീക്ഷണ വകുപ്പാണ് ഞായറാഴ്ച ഇക്കാര്യം അറിയിച്ചത്. കർണാടക, ആൻഡമാൻ നിക്കോബാർ ദ്വീപുകൾ, ആന്ധ്രാപ്രദേശ്, തമിഴ്‌നാട് എന്നിവിടങ്ങളിലും ശക്തമായ മഴയുണ്ടാകും.കർണാടകയുടെ ചിലഭാഗങ്ങളിലും ആന്ധ്രാപ്രദേശിൻറെ തീരപ്രദേശങ്ങളിലുമാണ് മഴ ശക്തിപ്പെടുക. നവംബർ 17 ന് തെക്കൻ മഹാരാഷ്ട്ര, ഗോവ തീരം, അറബിക്കടൽ എന്നിവിടങ്ങളിൽ പുതിയ ന്യൂനമർദം രൂപപ്പെടും. കേരളം, കർണാടക, ആൻഡമാൻ നിക്കോബാർ ദ്വീപുകൾ, ആന്ധ്രാപ്രദേശ് എന്നിവിടങ്ങളിൽ നവംബർ 15 മുതൽ കനത്ത മഴ ആരംഭിയ്‌ക്കും.നവംബർ 15-16 തിയ്യതികളിൽ ഗോവയിലും കനത്ത മഴയ്‌ക്ക് സാധ്യതയുണ്ട്. നവംബർ 16, 17 തിയ്യതികളിൽ ഒഡീഷയിൽ കനത്ത മഴ പെയ്യും. മുന്നറിയിപ്പുള്ള ദിവസങ്ങളിൽ കടലിൽ പോകരുതെന്ന് മത്സ്യത്തൊഴിലാളികൾക്ക് കേന്ദ്ര കാലാവസ്ഥ നിരീക്ഷണ കേന്ദ്രം ജാഗ്രത നിർദേശം നൽകി