കോൺ​ഗ്രസ് സമരത്തിനിടെ  ജോജു ജോർജിന്റെ കാർ തകർത്ത കേസിൽ പ്രതികൾക്ക് ജാമ്യം . മുൻ മേയർ ടോണി ചമ്മണി ഉൾപ്പെടെ‌ മനു ജേക്കബ്, ജർജസ്,പി ജി ജോസഫ്, ജോസഫ് മാളിയേക്കൽ എന്നിവർക്കാണ് ജാമ്യം ലഭിച്ചത് .എറണാകുളം ഫസ്റ്റ് ക്ലാസ് ജുഡീഷ്യൽ മജിസ്‌ട്രേറ്റ് കോടതിയാണ് പ്രതികൾക്ക് ജാമ്യം അനുവദിച്ചത്. നേതാക്കൾ 37,000 രൂപ വീതം കോടതിയിൽ കെട്ടിവയ്ക്കണം. 

ഒപ്പം 50,000 രൂപയുടെ രണ്ട് ആൾ ജാമ്യവും കേസുമായി ബന്ധപ്പെട്ട് നേതാക്കൾക്ക് വിധിച്ചിട്ടുണ്ട്. ഇന്ന് തന്നെ ജാമ്യത്തിൽ ഇറങ്ങും എന്ന കാര്യത്തിൽ ഉറപ്പായിട്ടുണ്ട്. നിലവിൽ അഞ്ച് നേതാക്കൾക്കാണ് ജാമ്യം ലഭിച്ചത് ബാക്കിയുള്ളവരുടെ കാര്യത്തിൽ തീരുമാനമായിട്ടില്ല.