ശബരിമല വികസന പ്രവര്‍ത്തനങ്ങളില്‍ യുഡിഫ് നല്‍കിയതിനെക്കാള്‍ സഹായം നല്‍കിയത് എല്‍ഡിഎഫ് സര്‍ക്കാരാണെന്ന് മന്ത്രികടകംപള്ളി സുരേന്ദ്രന്‍. ശബരിമല വികസനത്തിന്റെ കാര്യത്തില്‍ യുഡിഎഫ് സംസാരിക്കുന്നത് വസ്തുതകള്‍ മനസിലാക്കാതെയാണെന്നും മന്ത്രി പറഞ്ഞു. ശബരിമല വികസന പ്രവര്‍ത്തനങ്ങള്‍ക്ക് 739കോടി രൂപ ഈ സാമ്പത്തിക വര്‍ഷം അനുവദിച്ചു. 100 കോടി രൂപ ഇടത്താവളത്തിനും 50 കോടി ബേസ് ക്യാമ്പ് നിര്‍മ്മാണത്തിനും അനുവദിച്ചുവെന്നും കടകംപള്ളി പറഞ്ഞു. വരുമാന നഷ്ടം നികത്തുന്നതിന് 100കോടിയാണ് സര്‍ക്കാര്‍ അനുവദിച്ചതെന്നും അദ്ദേഹം വ്യക്തമാക്കി. വിഎസിനെതിരായ പരാമര്‍ശം കേരളീയ സമൂഹം കേട്ടു കൊണ്ടിരിക്കുകയാണെന്നും കെ . സുധാകരനില്‍ നിന്ന് ഇതില്‍ കൂടുതല്‍ ഒന്നും പ്രതീക്ഷിക്കുന്നില്ലെന്നും കടകംപള്ളി സുരേന്ദ്രന്‍ പറഞ്ഞു