ആദി ഗുരു ശങ്കരാചാര്യരുടെ 12 അടി ഉയരമുള്ള പ്രതിമ വെള്ളിയാഴ്‌ച ഉത്തരാഖണ്ഡിൽ പ്രധാനമന്ത്രി നരേന്ദ്ര മോദി അനാച്ഛാദനം ചെയ്‌തു. ഒരു ദിവസത്തെ സന്ദർശനത്തിനായാണ് മോദി സംസ്ഥാനത്ത് എത്തിയത്‌. 35 ടൺ ഭാരമുള്ള ശിൽപം മൈസൂർ ആസ്ഥാനമായുള്ള ശിൽപി അരുൺ യോഗിരാജാണ് കൃഷ്‌ണശിലയിൽ നിന്ന് നിർമ്മിച്ചത്.സംസ്ഥാനത്ത് നിന്ന് ശിൽപത്തിൻറെ നാല് മാതൃകകളാണ്‌ പ്രധാനമന്ത്രിയുടെ ഓഫീസിലേക്ക് അയച്ചത്‌. അതിൽ നിന്ന് യോഗിരാജിൻറെ മാതൃക തിരഞ്ഞെടുത്തു. അതിന് പിന്നീട് അന്തിമ രൂപം നൽകുകയായിരുന്നു. എട്ടാം നൂറ്റാണ്ടിലെ ദർശകനായ ശങ്കരാചാര്യർ തൻറെ തത്വചിന്ത പ്രചരിപ്പിക്കുന്നതിനായി ഇന്ത്യൻ ഉപഭൂഖണ്ഡത്തിലുടനീളം സഞ്ചരിച്ചു. നാല് മഠങ്ങൾ സ്ഥാപിക്കുന്നതിലും അദ്ദേഹം പ്രധാന പങ്കുവഹിച്ചു