‌‌‌‌സംസ്ഥാനത്ത് ശക്തമായ മഴ ജാഗ്രത നിർദേശം.തിരുവനന്തപുരം മുതൽ ഇടുക്കി വരെയുളള ജില്ലകളിൽ ഓറഞ്ച് അലർട്ടും എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ യെല്ലോ അലർട്ടും പ്രഖ്യാപിച്ചു. ബംഗാൾ ഉൾക്കടലിലെ ന്യൂനമർദം ശക്തി പ്രാപിക്കുന്നതും അറബിക്കടലിൽ ചക്രവാതച്ചുഴി രൂപപ്പെടുന്നതും കനത്ത മഴയ്ക്ക് വഴിയൊരുക്കുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ കണക്കു കൂട്ടൽ. തെക്കൻ ജില്ലകളിൽ ഓറഞ്ച് അലർട്ടാണ് പ്രഖ്യാപിച്ചിട്ടുളളതെങ്കിലും റെഡ് അലർട്ടിനു സമാനമായ പ്രതിരോധ സംവിധാനം സർക്കാർ ഏർപ്പെടുത്തിയിട്ടുണ്ടെന്ന് മന്ത്രി കെ രാജൻ വ്യക്തമാക്കിട്ടുണ്ട്.