ജി20 രാജ്യത്തലവൻമാരുടെ ഉച്ചകോടി ഇന്ന് ഓൺലൈനായി നടക്കും. പ്രധാനമന്ത്രി നരേന്ദ്രമോദി പങ്കെടുക്കും. അഫ്‌ഗാനിസ്ഥാൻറെ പുനർനിർമാണ പ്രക്രിയയ്ക്കുവേണ്ടിയുള്ള മാനുഷിക സഹായങ്ങൾ ഉൾപ്പടെ യോഗത്തിൽ ചർച്ചയാകും. ഇറ്റലി ആധ്യക്ഷം വഹിക്കുന്ന യോഗം വൈകുന്നേരം നാല് മണിക്കാണ്.സുരക്ഷ, തീവ്രവാദത്തിനെതിരായ പോരാട്ടം, മനുഷ്യാവകാശങ്ങൾ, കുടിയേറ്റം എന്നിവയാണ് ഉച്ചകോടിയിൽ ചർച്ചയാകുന്ന വിഷയങ്ങൾ. അഫ്‌ഗാൻ പ്രശ്‌നം ചർച്ച ചെയ്യാൻ നേരത്തെ ചേർന്ന എസ്‌സി‌ഒ-സി‌എസ്‌ടി‌ഒ ഉച്ചകോടിയിലും പ്രധാനമന്ത്രി പങ്കെടുത്തിരുന്നു.