ജില്ലയിൽ കനത്ത മഴ തുടരുന്ന സാഹചര്യത്തിൽ നെയ്യാർഡാമിൻറെ നാലു ഷട്ടറുകളും വൈകിട്ട് നാലുമണിയോടെ ഉയർത്തുമെന്ന് ജില്ല കലക്ടർ നവ്‌ജ്യോത് ഖോസെ അറിയിച്ചു. ഈ സാഹചര്യത്തിൽ നെയ്യാറിൻറെ ഇരു കരകളിലും താമസിക്കുന്നവർ ജാഗ്രത പുലർത്തേണ്ടതാണ്.അരുവിക്കര ഡാമിൻറെ മൂന്നാമത്തെയും നാലാമത്തെയും ഷട്ടറുകൾ 60 സെൻറീ മീറ്റർ വീതവും അഞ്ചാമത്തെ ഷട്ടർ 20 സെൻറീമീറ്ററും ഉയർത്തിയിട്ടുണ്ട്. മൂന്നാമത്തെയും നാലാമത്തെയും ഷട്ടറുകൾ വീണ്ടും 30 സെൻറീ മീറ്റർ കൂടി ഉയർത്തും. നദികളിലെ ജലനിരപ്പുയരുന്നതിനാൽ നദീതീരങ്ങളിൽ താമസിക്കുന്നവരും ജാഗ്രത പുലർത്തേണ്ടതാണെന്ന് കലക്ടർ മുന്നറിയിപ്പു നൽകി.