15ാമത് കേരള നിയമസഭയുടെ മൂന്നാമത് നിയമസഭാ സമ്മേളനം ഇന്നുമുതൽ ആരംഭിക്കും. നിയമനിർമാണമാണ് പ്രധാന അജണ്ട. കേരള തൊഴിലുറപ്പുതൊഴിലാളി ക്ഷേമനിധി, കേരള പഞ്ചായത്തിരാജ്, കേരള നഗര -ഗ്രാമാസൂത്രണ, കേരള മുനിസിപ്പാലിറ്റി ഭേദഗതി ബില്ലുകൾ ഇന്ന് അവതരിപ്പിക്കും. സംസ്ഥാന ചരക്കുസേവന നികുതി, കേരള പൊതുവിൽപ്പന നികുതി, കേരള ധനസംബന്ധമായ ഉത്തരവാദിത്ത ഭേദഗതി ബില്ലുകൾ നാളെ പരിഗണിക്കും. സന്ദർശക ഗാലറി പ്രവേശനം പരിമിതമായി അനുവദിക്കും.നവംബർ 12വരെ 24 ദിവസമാണ് സഭാ സമ്മേളനം. ആദ്യ രണ്ടുദിവസങ്ങളിൽ ഏഴ് ബില്ലുകൾ പരിഗണിക്കുമെന്ന് സ്പീക്കർ എം.ബി രാജേഷ് അറിയിച്ചു. 19 ദിവസം നിയമനിർമാണത്തിനും നാല് ദിവസം ധനാഭ്യർത്ഥനകൾക്കും മാറ്റിവയ്ക്കും. നവംബർ 14വരെയാണ് നിയമസഭാ സമ്മേളനം നടക്കുക.