സംസ്ഥാനത്ത് പുതിയ വനിതാ കമ്മിഷൻ അധ്യക്ഷയായി അഡ്വ. പി സതീദേവി ഇന്ന് ചുമതലയേൽക്കും. സി പി എം സംസ്ഥാന സമിതി അംഗവും ജനാധിപത്യ മഹിളാ അസോസിയേഷൻ ജനറൽ സെക്രട്ടറിയുമാണ് പി. സതീദേവി. 2004ൽ വടകരയിൽ നിന്നുള്ള ലോക്‌സഭാ അംഗമായിരുന്നു. സതീദേവിയെ കമ്മിഷൻ അധ്യക്ഷയാക്കാൻ നേരത്തെ തന്നെ ധാരണയായിരുന്നു.

‘ആൺ-പെൺ തുല്യത ഉണ്ടാകേണ്ടത് കുടുംബങ്ങളിൽ നിന്നാണ്. പക്ഷേ സ്ത്രീവിരുദ്ധമായ ആശയങ്ങൾ ഇന്നും സമൂഹത്തിൽ പ്രകടമാകുന്നുണ്ട്. സമത്വപൂർണമായ അന്തരീക്ഷം സൃഷ്ടിക്കുകയാണ് കമ്മിഷന്റെ ലക്ഷ്യം’. പരാതിക്കാരോട് ഒരു വിവേചനവും ഉണ്ടാകാത്ത പ്രവർത്തനം നടത്തുമെന്നും പാർട്ടിയുടേയോ ജാതിയുടേയോ മതത്തിന്റെയോ വ്യത്യാസമില്ലാതെ പരാതികൾ പരിഹരിക്കുമെന്നും പി സതീദേവി പറഞ്ഞു.