തിങ്കളാഴ്‌ച മുതൽ കണ്ടയ്ൻമെൻറ് സോണുകളിലടക്കം എല്ലാ കടകളും തുറക്കുമെന്ന് വ്യാപാരി വ്യവസായി ഏകോപന സമിതി( കെ.വി.വി.ഇ.എസ് ) സംസ്ഥാന പ്രസിഡൻറ്​ ടി. നസറുദ്ദീൻ. കലക്‌ടർമാർ തോന്നിയതുപോലെ നിയന്ത്രണമേർപ്പെടുത്തുകയാണെന്നും അദ്ദേഹം പറഞ്ഞു.ഭൂരിഭാഗം ഇടങ്ങളിലും കടകൾ തുറക്കാൻ അനുവദിക്കാത്തത് അംഗീകരിച്ച് മുന്നോട്ടുപോകാനാവില്ല. വ്യാപാരികളുമായി ചർച്ച നടത്താൻ പോലും സർക്കാർ തയ്യാറാകുന്നില്ല.‍ പ്രഖ്യാപിച്ച ഇളവുകളൊന്നും ഇപ്പോൾ ലഭിക്കുന്നില്ലെന്നും അദ്ദേഹം ആരോപിച്ചു.ജൂലൈ 26ന് കോഴിക്കോട്​ മിഠായിത്തെരുവിൽ വ്യാപാരികൾ സംഘടിപ്പിച്ച സമരം സംസ്ഥാനമാകെ പടർന്നിരുന്നു. പിന്നീട്,​ സർക്കാർ ഇളവുകൾ പ്രഖ്യാപിക്കുകയും എല്ലാ കടകളും ഞായർ ഒഴികെ മറ്റെല്ലാ ദിവസവും തുറക്കാൻ അനുമതി നൽകുകയും ചെയ്​തു. ഓഗസ്​റ്റ്​ അഞ്ച് മുതലാണ്​ നിയന്ത്രണങ്ങളിൽ ഇളവ്​ വരുത്തിയത്.