തൃക്കാക്കര നഗരസഭയിൽ ഓണത്തിന് സമ്മാനമായി 10,000 രൂപ സമ്മാനമായി നൽകിയ  ചെയർപേഴ്സൻ അജിതാ തങ്കപ്പനെതിരെ കേസെടുക്കാൻ വിജിലൻസ്. കേസിൽ എഫ്ഐആർ രജിസ്റ്റർ ചെയ്യാൻ വിജിലൻസ് ഡയറക്ട്രേറ്റിന്റെ അനുമതി തേടി.വിജിലൻസ് ഡയറക്ട്രേറ്റിന്റെ അനുമതി കിട്ടുന്ന മുറയ്ക്ക് എഫ്ഐആർ രജിസ്റ്റർ ചെയ്യാനാണ് തീരുമാനം. കേസുമായി ബന്ധപ്പെട്ട് വിജിലൻസ് ഇതുവരെ നടത്തിയ അന്വേഷണം ക്വിക്ക് വേരിഫിക്കേഷൻ റിപ്പോർട്ടായി സമർപ്പിച്ചിട്ടുണ്ട്. ചെയർപേഴ്സണെതിരായ കൃത്യമായ തെളിവുകൾ ഉൾപ്പെടുത്തിയാണ് റിപ്പോർട്ട് നൽകിയത്.ആരോപണത്തിൽ കഴമ്പുണ്ടെന്നും തുടരന്വേഷണം വേണമെന്നും ക്യു.വി റിപ്പോർട്ടിൽ പറയുന്നു.