മൈസൂരു കൂട്ടബലാത്സംഗക്കേസിൽ അറസ്റ്റിലായവരെ ഇന്ന് ചാമുണ്ഡിയിലെത്തിച്ച് തെളിവെടുപ്പ് നടത്തും. പ്രായപൂർത്തിയാകാത്ത ഒരാളടക്കം അഞ്ച് തമിഴ്‌നാട് സ്വദേശികളാണ് അറസ്റ്റിലായത്. ഒളിവിൽ പോയ തിരുപ്പൂർ സ്വദേശിക്കായി തെരച്ചിൽ തുടരുകയാണ്. ചികിത്സയിലുള്ള പെൺകുട്ടിയുടെ ആരോഗ്യനില മെച്ചപ്പെടുന്നുണ്ടെന്ന് ആശുപത്രി അധികൃതർ അറിയിച്ചു. പിടിയിലാവരെ പെൺകുട്ടി തിരിച്ചറിഞ്ഞു. സംഭവത്തിൽ പങ്കില്ലെന്ന് വ്യക്തമായതോടെ മൂന്ന് മലയാളി വിദ്യാർത്ഥികളെ ചോദ്യംചെയ്ത് വിട്ടയച്ചിരുന്നു.

കഴിഞ്ഞ ആഴ്ചയാണ് മൈസൂർ ചാമുണ്ഡിയിൽ എംബിഎ വിദ്യാർത്ഥിനി കൂട്ട ബലാത്സംഗത്തിനിരയായത്. സുഹൃത്തിനെ അടിച്ചുവീഴ്ത്തിയ സംഘം യുവതിയെ കുറ്റിക്കാട്ടിലേക്ക് വലിച്ചിഴച്ച് കൊണ്ടുപോയി ക്രൂരമായി പീഡിപ്പിക്കുകയായി. പീഡന ദൃശ്യങ്ങൾ ഫോണിൽ ചിത്രീകരിച്ച് ഭീഷണിപ്പെടുത്തി പണം തട്ടാനും ശ്രമിച്ചു. ആറ് പേരാണ് കേസിലെ പ്രതികൾ.