കേരളത്തിലെ വാരാന്ത്യ ലോക്ക്ഡൗൺ സമ്പൂർണമായി ഒഴിവാക്കി. ഞായറാഴ്ചകളിൽ തുടർന്നിരുന്ന വാരാന്ത്യ ലോക്ക്ഡൗണും ഒഴിവാക്കി. മുഖ്യമന്ത്രിയുടെ അധ്യക്ഷതയിൽ ചേർന്ന കൊവിഡ് അവലോകന യോഗത്തിലാണ് തീരുമാനം.

സംസ്ഥാനത്ത് അധിക നിയന്ത്രണങ്ങൾ വേണ്ടെന്നും തീരുമാനമായി. WIPR അടിസ്ഥാനമാക്കിയുള്ള നിലവിലെ നിയന്ത്രണം തുടരാനാണ് യോഗത്തിൽ തീരുമാനിച്ചത്. ഓണാഘോഷത്തോടനുബന്ധിച്ച് കൊവിഡ് വ്യാപനം രൂക്ഷമാകാൻ സാധ്യതയുള്ള ഘട്ടത്തിലാണ് കൂടുതൽ നിയന്ത്രണങ്ങൾ വേണ്ടെന്ന തീരുമാനം സർക്കാർ കൈക്കൊണ്ടത്. WIPR എട്ട് ശതമാനത്തിന് മുകളിലുള്ള 414 തദ്ദേശസ്വയം ഭരണ വാർഡുകളിൽ നിലവിലെ നിയന്ത്രണം കർശനമായി തുടരുകയും ചെയ്യും.